MINISTER DI HUSTISIA MR. SHALTEN HATO TA SIGUI EKIPÁ BRANTWER PA GARANTISÁ KONTINUIDAT DEN SERVISIO NA KOMUNIDAT

Minister di Hustisia, mr. Shalten Hato, ta sigui invertí den kompra di ekiponan di manera ku brantwer por ta bon ekipá den ehekushon di nan trabou.

Ku e miro aki, Minister di Hustisia, mr. Shalten Hato, resientemente a pone e medionan finansiero disponibel pa kompra di dos “duo pomp” ku ta altamente nesesario den realisashon dje trabounan di brantwer. Tambe a aprobá kompra di 6 “warmtebeeld camera’s” den kuadro dje trabou represivo relashoná ku akontesimentunan ku tabatin ultimamente.

Alabes Minister Hato a aprobá kompra di 3 ekipo ku ta midi presensia di materialnan eksplosivo i tambe lo amplia e parke di vehíkulonan ku kompra di 2 pikòp pa na momento ku surgi kualkier situashon di tempu ku hopi áwaseru ku por kousa inundashon. Di e forma aki sigur Minister Hato ta sigui ekipá kada un di e instansianan ku ta bou di su responsabilidat pa nan por operá mas efisiente i efikas.