PREPARASHONNAN TA KONTINUÁ PA E 2023 CONCACAF BOY’S UNDER-15 CHAMPIONSHIP KU LO TUMA LUGÁ DI 6 PA 13 DI OUGÙSTÙS AKI NA KÒRSOU! NOS REFUERSONAN TA NA KÒRSOU!
PREPARASHONNAN TA KONTINUÁ PA E 2023 CONCACAF BOY’S UNDER-15 CHAMPIONSHIP KU LO TUMA LUGÁ DI 6 PA 13 DI OUGÙSTÙS AKI NA KÒRSOU! NOS REFUERSONAN TA NA KÒRSOU!
Tiki tiki pero sigur e ora 0 ta yegando kaminda nos selekshon nashonal kategoria U-15 lo ta den akshon di 6 pa 13 di ougùstùs representando Kòrsou den 2023 CONCACAF Boy’s Under-15 Championship. Nos selekshon ta konsistí di un grupo di 12 hungadó lokal ku tin vários siman den preparashon i tambe 6 hungadó ku a bin reforsá nos selekshon p’asina duna un bon presentashon durante e partidonan aki.
5 di nos 6 refuersonan a pisa suela di Kòrsou pa kontinuá ku e preparashonnan pa nos partido di djadumingu binidero. Mañan nos delaster hungadó ta yega for di eksterior pa kompletá e grupo di hungadónan ku lo djòin nos selekshon. Ta trata aki di Mart Jansen ku ta militá den De Graafschap, Jay-Drian Offerman ku ta den Alexandria’66, Jeremy Ortela di Inter Miami, Chris Tujeehut di AFC Ajax, Jurvain Valentijn ku ta militá den Feyenoord i Abel Vissschers ku ta hungadó di Forum Sport Voorburg. 6 hungadó ku sigur lo duna un man pa fortalesé nos selekshon durante e torneo aki. Awe nos selekshon a train ku algun di nos refuersonan pa ta kla prepará pa nos kompromisonan den e 2023 CONCACAF Boy’s Under-15 Championship.
Nos selekshon ta forma parti di liga B grupo H ku ta konsistí di e siguiente paisnan; Antigua & Barbuda, Boneiru, St. Kitts & Nevis i Kòrsou mas ku klaro.
Skema di liga B grupo H:
| Fecha | Orario | Tim di kas | Bishitante | Stadion | |
| 1 | 6 oug. 23 | 4:00 PM | Boneiru | Antigua & Barbuda |
Stadion Rignaal ‘Jean’ Francisca |
| 2 | 6:00 PM | Kòrsou | St. Kitts & Nevis | ||
| 3 | 7 oug. 23 | 4:00 PM | Antigua & Barbuda | St. Kitts & Nevis | |
| 4 | 6:00 PM | Kòrsou | Boneiru | ||
| 5 | 8 oug. 23 | 4:00 PM | Antigua & Barbuda | Kòrsou | |
| 6 | 6:00 PM | St. Kitts & Nevis | Boneiru |
Preparashonnan ta kontinuá den gran forma pa nos selekshon kategoria U-15 duna tur ku tin durante nos partidonan di e 2023 CONCACAF Boy’s Under-15 Championship ku ta inisiá djadumingu aki den Stadion Rignaal ‘Jean’ Francisca.
3 ougùstùs 2023