MINISTER HATO A LAGA REPARTÍ MAS KU 150 FÈN DEN SENTRO DI DETENSHON I KOREKSHON KÒRSOU

Resientemente Sentro di Detenshon i Korekshon Kòrsou a repartí mas ku 150 fèn na klientenan di SDKK ku no tin un fèn den e instituto.

Ministerio di Hustisia riba petishon di Minister di Hustisia, mr. Shalten Hato, a pone fondonan disponibel pa kumpli ku e proyekto aki. E meta prinsipal tabata pa yuda mitigá e efektonan den e temporada di kalor ku ta asotando nos pais.

Ministerio di Hustisia i Gerensia di SDKK ta sumamente kontentu i satisfecho di por a duna un aporte na e klientenan di SDKK den e temporada di kalor.