Building Bridges; interesante siklo di debate pa hóbennan di islanan A-B- C i Sürnam
WILLEMSTAD – Debate Education Foundation (Debat.ed), den kolaborashon ku Fundashon Negoshi Pikiña, ta organisá e torneo di debate pa hóbennan titulá; ’Road to Building Bridges’. E torneo di debate aki ta tuma lugá dia 2 di sèptember 2023, di 8:30 AM pa 2:30 PM, na ICUC (Otrobanda).
Ku e kompetensia aki lo selektá ken ta bai representá Kòrsou na “Building Bridges” den òktober 2023. ‘Building Bridges’ ta un proyekto kaminda nos ta bai trese hóbennan di Kòrsou, Aruba, Boneiru i Sürinam huntu pa un interkambio kultural, tayernan riba diferente área i un torneo di debate. ‘Building Bridges’ ta imaginá un futuro kaminda e hubentut di Kòrsou ta ekipá ku e hèrmèntnan nesesario pa interkambiá di un forma konstruktivo riba problemanan lokal i internashonal. E evento aki ta habri kaminda pa enkurashá nos hubentut i stimulá un generashon pa kontribuí positivamente riba e fundeshi sosial di nos pais.
Nos ke invitá tur hóben entre 12 pa 18 aña pa tuma e oportunidat aki pa traha un tim i bin representá nan skol,bario, ekipo di deporte o grupo di amistat na “Road to Building Bridges”. Ta bai tin premionan fantástiko i e torneo ta “beginner friendly” esei ke men ku no mester di eksperensia previo di debate pa partisipá. Awor ta e momentu perfekto pa organisashonnan motivá hóbennan pa join i laga nan bos resoná riba tópikonan ku ta impaktá e hóben su bida.
Partisipando na e debate, hóbennan por desaroyá vários abilidat manera: pensa mas krítiko, ekpresá ideanan mihó i desaroyá empatia en bista ku ku den debate lo tin diferente punto di bista. E abilidatnan aki no ta solamente esensial pa tin éksito den nan karera eskolar, pero tambe den nan kresementu personal i pa ta eksitoso den e mundu moderno.
Ta enkurashá timnan di te 5 miembro pa registrá na e evento promé ku 25 di ougùstùs 2023 via ai.debated.cw/TorneoDebate. Partisipashon ta gratis!!
Pa mas informashon chèk nos página di Facebook: Debat.ed òf tuma kontakto ku nos via Whatsapp na +5999-528-5676
