KOMUNIKADO DI PRENSA 389/2023.
18 ougùstùs 2023.

Detenshon relashoná ku kaso di ladronisia i atrako.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku dos kaso di atrako ku a tuma lugá dia 8 di ougùstùs 2023 den Jacob
Binckestraat i dia 14 di ougùstùs 2023 na Pelikaanweg i un kaso di ladronisia ku a tuma lugá
dia 8 di ougùstùs 2023 riba Helmin Magno Wiels Boulevard banda di Pico Cash & Carry,
polis a hasi un detenshon.
Djabièrnè 18 di ougùstùs 2023 alrededor di 14.15’or, Tim di Atrako a detené e hòmber
sospechoso Q.J.P di 31 aña di edat nase na Kòrsou.
E detenshon a tuma lugá na un adrès den Jan Erasmusstraat.
A presentá e sospechoso dilanti di un fiskal ouksiliar ku despues di interogashon a ordená
su enkarselamentu pendiente di mas investigashon.