Pronóstiko di tempu pa Kòrsou i bisindario bálido te djaluna mainta 06:00 o.l., 21 di ougùstùs 2023.

Pronóstiko

Pronóstiko di tempu pa Kòrsou i bisindario bálido te djaluna mainta 06:00 o.l., 21 di ougùstùs 2023.
Kompilá: djadumingu 20 di ougùstùs 2023, 05:00 o.l. (09:00 UTC).

Tempu: Parsialmente te hopi nublá ku algun áwaseru i bos por zona.

Temperatura máksimo lo alkansá 32ºC i temperatura mínimo 26ºC.
Solo ta sali 06:25 i ta baha 18:54 o.l.

Bientu: Generalmente ost i suak te moderá; forsa 2 te 4 (7 te 30 km/ora, 4 te 16 nudo). Prinsipalmente den áwaseru mas pisá, de bes en kuando ráfaga basta fuerte; forsa 5 (31 te 39 km/ora, 17 te 21 nudo).

Situashon general: Durante di próksimo 24 ora un ola tropikal, ku chèns pa bira un siklon tropikal, situá riba parti oriental di Laman Karibe lo transkurí nos region. E sistema aki lo pasa ku un mayoria di su wer nort di nos islanan durante di próksimo dianan. Apesar di esaki, kondishon atmosfériko lo favoresé desaroyo di algun nubia signifikante ku lo generá momentunan di áwaseru riba nos isla. Tambe tin un chèns ku bos por zona. Mas aleu, fluho di bientu lo debilitá i asina trese kuné un sensashon di kalor sofokante na momentu ku awa no ta kai.

Kondishon di laman: Trankil te moderá ku altura di olanan entre 0.5 i 1.5 meter (2 i 4 pia). Olanan di mas haltu ta na kosta nort dor di resake.

Sistemanan signifikante di wer tropikal: Depreshon tropikal number seis a desaroyá ayera mèrdia riba Atlántiko Nort i ta move den un direkshon nortwèst riba laman ganchu. E sistema aki no ta forma un menasa pa Kòrsou.

Fenómeno spesial: Ningun.

Perspektiva te djamars mainta: Por lo general hopi nublá ku chèns pa awa kai kompañá pa posibel welek i bos.

Meteorólogo: Rombley