Pronóstiko di tempu pa Kòrsou i bisindario bálido te djamars mainta 06:00 o.l., 22 di ougùstùs 2023.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 22 di ougùstùs 2023.
Kompilá: djaluna 21 di ougùstùs 2023, 05:00 o.l. (09:00 UTC).

Tempu: Nublá ku algun yobida kompañá de bes en kuando pa welek i bos.

Temperatura máksimo lo alkansá 31ºC i temperatura mínimo 26ºC.
Solo ta sali 06:25 i ta baha 18:53 o.l.

Bientu: For di direkshon variá i suak te moderá; forsa 1 te 3 (1 te 19 km/ora, 1 te 10 nudo). Durante áwaseru fuerte, ráfaga moderá te posiblemente fuerte; forsa 4 te 6 (20 te 50 km/ora, 11 te 27 nudo).

Situashon general: E área di preshon abou ku ta situá awe mainta nort di nos islanan a sigui desaroyá i bira tormenta tropikal Franklin. Franklin lo sigui move den direkshon west nortwèst. E sistema aki lo pasa ku un mayoria di su wer nort di nos islanan durante di próksimo dianan. Apesar di esaki, kondishon atmosfériko lo stimulá desaroyo di algun nubia signifikante ku lo generá momentunan di yobida riba nos isla. Tambe bos lo zona durante e yobidanan mas fuerte. Mas aleu, fluho di bientu lo keda suak den nos region i lo suplá  for di direkshon variá.

Kondishon di laman: Trankil te moderá ku altura di olanan entre 0.5 i 1.5 meter (2 i 4 pia). Na kostanan nort i ost, olanan ta alkansá altura mas haltu di 2 meter (6 pia) dor di resake.

Sistemanan signifikante di wer tropikal: Tormenta tropikal Franklin a forma awe tardi nortost di nos isla na un distansia di 320 km. E sistema aki lo sigui move den direkshon west nortwèst i no ta forma ningun menasa direkto pa nos islanan. Depreshon tropikal number seis i Tormenta tropikal Emily i Gert ta situá awe tardi riba Atlántiko Nort i ta move den un direkshon nortwèst riba laman ganchu. E sistemanan aki no ta forma un menasa pa Kòrsou.

Fenómeno spesial: Ningun.

Perspektiva te djárason mainta: Nubianan lo bira poulatinamente ménos riba nos área i e chèns pa awa kai tambe ta bira ménos.

Meteorólogo: Correa.