Asosashon di pòmpstashòn COPDA ta gana kaso den Korte relashoná ku e pòmpstashòn ku a ser konstruí na altura di entrada di Malpais.

Asosashon di pòmpstashòn COPDA ta gana kaso den Korte relashoná ku e pòmpstashòn ku a ser konstruí na altura di entrada di Malpais. E pòmpstashòn ta di sr. Sebier Attaff kual a indiká ku ta djis e kier a “verhuis” e pòmpstashòn di Sta. Helena i pone esaki na Weg naar Westpunt. COPDA a entamá un kaso relashoná ku esaki debí ku e pòmpstashòn no tin un “bouwvergunning” pues tampoko por haña un “vestigingsvergunning”.

Abogado Achim Henriquez na nòmber di su kliente COPDA a indiká ku awor ku tin e vonnis aki, e pòmpstashòn lo no por habri por lo pronto. Lo por bai Hoger Beroep den e kaso aki ahinda si.