Minister Shalten Hato REUNION KU KRIADONAN DI BESTIA

Minister Hato skuchando e gritunan den komuidat a reuní ku diferente asosashon ku ta representá kriadonan di bestia. Tambe tabata tey presente Ministerio Públiko, miembronan di tim di maneho di KPC i presidente di Korte Komún i di Hustisia.

E kriadonan di bestia a ekspresá nan pensamentu pa ku hòrtamentu di nan animalnan i e proseso pa hasi denunsia na polis, Tambe kunukeronan a trese nan preokupashon pa ku animalnan manera entre otro baka ku ta traspasá riba nan tereno i kome nan plantashon.

Pa ku esaki Minister Hato a splika ku e intenshon ta pa e regisornan di bario tuma un ròl aktivo den kombatí esaki i tambe KPC internamente lo evaluá e feedback ku nan a risibí. Ministerio Públiko na su turno a splika e kuadro di lei den kua e ta operá i kiko ta posibel i kon wes komisario ta disidí si e ta laga un sospechoso den libertad pendiente mas investigashon.

Pa konkluí Minister Hato a splika ku e problematika aki mester wòrdu atendé di forma integral ku koperashon di GMN i MEO tambe pa hasi kòntròlnan mas efikas riba animalnan hòrtá.