Ministernan di Hustisia di Kòrsou, Aruba i Sint Maarten ta bishitá kadena Hudisial na Sürnam.

Minister Shalten Hato

Ministernan di Hustisia di Kòrsou, Aruba i Sint Maarten ta bishitá kadena Hudisial na Sürnam.
Den presensia di e Minister di Hustisia, Sr. Amoksi, e alto komisario interino di polis sr. Kensen, un delegashon di Kòrsou, Aruba i Sint Maarten ku ta konsistí di ministernan, alto komisarionan i demas miembronan di delegashon a bishitá e departamento di Asuntonan Hubenil (Opa Doeli), Departamentu pa Kombatí Kriminalidat Pisá (BZC), Akademia di Polis (PA), Sentro di Komando (CC) di Kuerpo Polisial di Sürnam. Durante e bishita na e departamentunan menshoná anteriormente, e delegashon a ser risibí pa e hefenan di departamentu kaminda nan a risibí informashon amplio. E delegashon tambe a konosé e ofisial hubenil Sr. R. Nunes i e huez hubenil Sra. M. Mettendaf.
E hefe di BZC i e komisario di polis Sr. C. Dragman a papia tokante e enfoke riba kriminalidat ku ta traspasá frontera; e resultadonan relashoná ku trafikashon di droga i e resultadonan di kòntròl riba tráfikashon humano. Na Akademia di Polis (PA) a risibí presentashonnan di e HR-Manager, e komisario di polis Sra. M. Palmtak, e inspektora mayor di polis Sr. Lie A Kwie i e manehadó di bario. E manehadónan di bario a tene presentashonnan dinámiko den kual e enfasis a ser poné riba e trabounan di e manehadónan di bario i e enfoke riba e bringamentu na skolnan.
Minister Hato a indiká ku e meta di e bishitanan di trabou aki ta pa reforsá relashonnan ku e paisnan den e region. Solamente dor di kolaborashon por kombatí kriminalidat i alsa seguridat. Na final di e bishitanan di trabou aki un LOI lo wòrdu firmá pa suprayá i intensivá kolaborashon entre e Ministerionan di Hustisia di e respektivo paisnan.