TUR KOS TA KLA PA NOS SELEKSHON FEMENINO U-17 SU PARTISIPASHON NA E PARTIDONAN KUALIFIKATORIO DI CONCACAF! E DIA A YEGA!
TUR KOS TA KLA PA NOS SELEKSHON FEMENINO U-17 SU PARTISIPASHON NA E PARTIDONAN KUALIFIKATORIO DI CONCACAF!
E DIA A YEGA!
Despues di algun luna di preparashon tur kos ta kla pa nos selekshon nashonal femenino kategoria U-17 su promé enkuentro di e partidonan di kualifikashon pa e 2023 CONCACAF Women’s Under-17 Championship. Grupo A ta tuma lugá aki na Kòrsou i e torneo aki lo inisiá mañan 26 di ougùstùs i ta kontinuá riba dianan 28 i 30 di ougùstùs binidero. Riba e 3 dianan aki lo tin 2 partido, e promé, 4’or di atardi i e segundo lo ta i 7’or di anochi den Stadion Rignaal ‘Jean’ Francisca.
Kòrsou ta forma parti di grupo A huntu ku; El Salvador, Trinidad & Tobago i Cayman Islands. Tur e paisnan aki a yega Kòrsou ayera i ta preparando pa nan partidonan di mañan.
Awe nos selekshon ta tin su último seshon di training i ta mentalmente i físikamente bon prepará pa nos partido di mañan.
Nos selekshon nashonal femenino U-17 lo enfrentá Trinidad & Tobago durante nos promé partido di e weganan di kualifikashon pa e 2023 CONCACAF Women’s Under-17 Championship. Esaki lo tuma lugá mañan anochi 7’or den Stadion Rignaal ‘Jean’ Francisca.
Un invitashon ta bai na pueblo di Kòrsou kompletu pa bin apoyá i sostené nos damanan durante e torneo aki!
Tur partido ta grátis, nos ta topa mañan den stadion!
25 ougùstùs 2023
