Promé Minister Gilmar Pisas a risibí e embahadora di India pa Reino Hulandes na Den Haag.

Promé Minister Gilmar Pisas a risibí e embahadora di India pa Reino Hulandes na Den Haag.

 

Willemstad – Promé Minister sr. Gilmar Pisas a risibí e embahadora di India pa Reino Hulandes na Den Haag, Honorabel sra. Reenat Sandhu dia 23 di ougùstùs 2023.

 

E embahadora sra. Sandhu a bini huntu ku Konsul Honorario Manohar Sawilani i un funshonario di embahada. Su biahe tabata den kuadro di un bishita di trabou na Kòrsou.

 

Durante di su bishita serka Promé Minister sr. Pisas a elaborá riba diferente tema i alabes kua por ta e posibel áreanan di koperashon entre India i Kòrsou.

Algun di e temanan ua keda atendé tabata IT, digitalisashon, proyekto hidrógeno, salubridat, refineria, agrikultura i tambe edukashon.

 

E embahadora sra. Sandhu a bishitá tambe e Ministerio di Enseñansa, Siensia, Kultura i Deporte, e Ministerio di Desaroyo Ekonómiko i tambe e Ministerio di Salubridat Públiko, Medio Ambiente i Naturalesa.

 

Na final di e bishita e embahadora sra. Sandhu a ekstendé un invitashon na Promé Minister sr. Pisas pa e bishita India.

Promé Minister sr. Pisas a akseptá e invitashon i a bisa ku e lo sigui hasi follow-up di e kombersashon ku e la hiba ku embahadora sra. Sandhu.

 

E embahadora sra. Sandhu a keda hopi satisfecho pa ku e kombersashon ku e por a hiba ku Promé Minister sr. Pisas, kual kombersashon a tuma lugá den un ambiente hopi ameno.