KOMUNIKADO DI PRENSA 398/2023.
25 ougùstùs 2023.

Dos detenshon relashoná ladronisia i enkubrimentu.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 25 di ougùstùs 2023, alrededor di 07.43’or di mainta, personal di warda di polis di
Montaña a detené dos hòmber sospechoso.
Ta trata di H.S.H. di 47 aña di edat i A.R.J. di 49 aña di edat, ámbos nase na Kòrsou.
E detenshonnan ta relashoná ku ladronisia i enkubrimentu na un kas den Kaya Duvert “Boy”
Nicolina.
Kontinuando ku investigashon na e sítio a bin topa kimamentu di waya di koper.
Na e adrès a enkontrá varios waya ku ta prosedente di ladronisia di kompanianan ku ta
suministrá koriente i señalnan di internèt, televishon pa komunidat.
Detenshon di e hòmbernan aki a tuma lugá na e adrès ariba menshoná.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.