ENTRADA HUDISIAL NA BONAIRE

Awe, djaweps 31 di ougùstùs, den oranan di mainta dos entrada hudisial a tuma lugá. E promé tabata den un kas situá den bario di Nikiboko i e di dos den un kas situá na Amboina. E entradanan ta relashoná ku sospecho di violashon di Lei di Arma BES. Durante di e entradanan no a topa ku arma di kandela. A konfiská algun artíkulo, probablemente, prosedente di ladronisia. Tambe a detené un hòmber di inisial J.R.K. di 17 aña di edat en konekshon ku e kaso. Investigashon den e kaso ta sigui.