Djadumingu a tuma lugá e tremendo final i klousura di e promé torneo di “Didi Deeds
Foundation”.

Ta asina ku “Didi Deeds Foundation” a ranka sali ku su “Didi Deeds Summer League
Tournament” den fakansi grandi , esaki spesialmente pa tur e muchanan ku durante di fakansi a
keda na Kòrsou.
Esaki a tuma lugá di tal manera ku beisbòl por a sigui pa e muchanan aki tambe na Kòrsou
durante di nan vakashon.
E torneo a konsisiti di 4 divishon di nos beisbol. TBall, Pre-Minor, Minor i Little. Ku
partisipashon di 33 ekipo. Un total di 10 organisashon.
E weganan a kuminsá na otro vèlt mientras tabata warda pa redondá e ponementu di yerba na
“Didi Deeds Field”. Riba 18 augùstùs 2023 tabata e tremendo “soft opening” na “Didi Deeds
Field” aya na Tera Kòrá kual por sierto tabata hopi bon bishitá.
E wikènt di 25 di augùstùs, tur esnan ku a bai “Didi Deeds Field” por a disfrutá di tantu e “All
Star Game” komo di e “Homerun Derby”.
Por a tuma nota i por konkluí ku realmente esaki ta algu ku nos muchanan ta tin nesesidat i a
disfrutá di dj’é.
Djadumingu 3 di sèptèmber e “Summer League Tournament” a kulminá. Di kada divishon e
team kampion a risibí un renchi dede di “Didi Deeds Foundation”, Trofeo i premionan ku e
muchanan por disfrutá di dj’é.
Didi Deeds Foundation ta sumamente satisfecho di por kontribuí ku Kòrsou i e desaroyo di nos
muchanan espesialmente riba e tereno di e deporte di beisbòl. Riba potrèt nos por disfrutá di
algun imahen di e torneo i e gran final ku a tuma lugá 3 di sèptèmber 2023.
Kampion di kada divishon a resulta:
TBall: St. Michiel
Pre-Minor: Sta. Maria
Minor: Trai Seru
Little: Montab
Sub Kampion:
TBall: Sta. Maria
Pre-Minor: Sta. Rosa
Minor: Montaña Ariba
Little: St. Jacobs
Kampion Bate:
TBall: Brainer Winklaar -Montab
Pre-Minor: Jaymiron Martina – Montab
Minor: D’Harvion Haard – Trai Seru
Little: Rujerly Josepha – Trai Seru
Kampion Pitcher:
Minor: Marvion Trinidad – Montaña Ariba
Little: Gywayn Florentina – Marchena
Kampion Honorero:
TBall: Ray-Zhion Faries
Pre-Minor: Kyrsean Constancia – St. Michiel
Minor: D’Harcion Haard – Trai Seru
Little: Randy Maduro – St. Jacobs
MVP:
TBall: Marglenrick Wanga – St. Michiel
Pre-Minor: Ro-Aithan Riley – Sta. Maria
Minor: Rudjerly Josepha – Trai Seru
Little: Chrisyon Sambo – Montab
Premiashon:
TBall i Pre-Minor a risibi Trofeo, Un renchi i Voucher pa Dolphin Academy
Minor i Little a risibi Trofeo, Renchi i Daypass di Kunuku Aqua Resort
Didi Deeds Foundation tin ku gradisí sigur na varios kompanianan i/òf personanan ku di un of
otro manera a kontribuí ku e torneo di “Didi Deeds Summer League tournament”.
Un danki spesial ta bai na: CBDF, FDDK, Korpodeko, Kunuku Resort, Coca Cola, Botika Gosie,
Botika Zuikertuintje, Dolphin Academy, Pan American Life Insurance i Lino Masscon BV.
Tur Mayor, Fanátiko, umpire i skorer