Marilyn Moses Fractie Movementu Progresivo Tópiko: Dokumentonan ku e kondishonnan pa risibí un fiansa di Hulanda

Minister di Asuntunan General
Señor E. Rhuggenaath
Fort Amsterdam 17

Presente

Willemstad, 7 yüli 2020

Tópiko: Dokumentonan ku e kondishonnan pa risibí un fiansa di Hulanda

Apresiabel señor Rhuggenaath,

Komo miembro di Parlamento, ta un bèrgwensa ku nos mester a tuma nota pa medio di
konferensha di prensa ekstraordinario, awe 7 di yüli kaminda Gobièrnu a risibí
dokumentonan ku ta regarda nos pais. Mas ainda Gobièrnu a tuma un posishon durante di e
rueda di prensa sin konsulta ku Parlamento di Kòrsou.
Gobièrnu a deklará vários biaha durante di e rueda di prensa ku Hulanda a bypass Parlamento
di Kòrsou, pero ta e Gobièrnu di Kòrsou ta bypass Parlamento di Kòrsou, paso te ku awor
nan no a ofresé Parlamento ni un dokumento ni informashon konkreto tokante kontenido di e
dokumentonan risibí.
Nos ta urgí Gobièrnu pa manda tur e dokumentonan ku Hulanda a manda pa Gobièrnu ayera
pa Parlamento di Kòrsou.
Nos ta referí na tur e dokumentonan ku e kondishonnan pa risibí un fiansa di Hulanda.
E dokumentonan aki Parlamento ke risibí en todo kaso promé ku final di dia di awe, mirando
ku pa djabièrnè awor, Kòrsou mester a fórmula un kontesta ofisial pa Hulanda.
Nos ke rekordá Gobièrnu di Kòrsou ku tipo di desishonnan importante asina no por wòrdu
tuma sin konsulta ku Parlamento.

Atentamente,

Marilyn Moses

Fractie Movementu Progresivo

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: