TIM ‘TOEZICHT EN HANDHAVING’ (PTH) DI VVRP TA RISIBÍ VEHÍKULONAN NOBO

Willemstad – Resientemente, Minister Charles Cooper a hasi entrega di 4 vehíkulo nobo na e Tim di ‘Toezicht en Handhaving’ (PTH) di Ministerio di Tráfiko, Transporte i Planifikashon Urbano (VVRP). Esaki ta pa e tim ta mihó ekipá pa por ehekutá nan trabounan.

E tim tin komo tarea pa inspekshoná i kontrolá trabounan di konstrukshon, i okupashon di terenonan di gobièrnu. Tambe nan ta kontrolá dùmpmentu di sushi ilegal, trabounan di kobamentu pa saka diabas, i mas. E tim ta konsistí di inspektornan ku ta ehersé e trabounan menshoná. Nan ta outorisá pa tuma diferente tipo di medida na momentu ku konstatá ku tin trabounan ku ta tuma lugá di forma ilegal.

Informashon di kontakto:

Pa por tuma kontakto ku Tim di ‘Toezicht en Handhaving’ di VVRP i/òf raportá un posibel kaso di konstrukshon ilegal òf okupashon ilegal di tereno, por yama na 465-1477.