Djaluna 4 di sèptèmber 2023, a tuma lugá un enkuentro informativo na IFE, relashoná ku introdukshon di e estudio nobo di ‘GGZ- verpleegkundige”.

Djaluna 4 di sèptèmber 2023, a tuma lugá un enkuentro informativo na IFE, relashoná ku introdukshon di e estudio nobo di ‘GGZ- verpleegkundige”. E estudio akí, realisá pa medio di un kolaborashon estrecho entre e hospital sikiátriko Klinika Capriles i e Instituto pa Formashon den Enfermeria (IFE), ta un trayekto di spesialisashon pa enfermeronan general MBO i ta úniko den su sorto aki na Kòrsou.
E promé grupo di 19 studiante lo sigui e formashon partaim durante un aña, den kual nan lo amplia i profundisá nan konosementu i abilidat den kuido di salú mental.
E grupo ta konsistí di enfermeronan trahando na Klinika Capriles, SGR-Groep, PSI-Skuchami i Psychiaters Maatschap.