Parlamentario Giselle Mc William FRAKSHON DI MAN TA LAMENTA, ABUZU KONTRA DI EMPLEADONAN PUBLIKO DOR DI MINISTER DI GABINETE PISAS!

Parlamentario Giselle Mc William

FRAKSHON DI MAN TA LAMENTA, ABUZU KONTRA DI EMPLEADONAN PUBLIKO DOR DI MINISTER DI GABINETE PISAS!
Frakshon di MAN ta pará pa Hustisia sosial i dignidat humano, ta ke esakinan den mente nos frakshon ta kuestioná i kondena e manera ku minister di finansa pa mas ku dos (2) aña kaba a bin ta hasi su mes kulpabel pa atakenan serio den direkshon di trahadónan, empleado di e ministerio, hefe nan di departamento di gobièrnu.
Asta awor nos ta konstatá ku representante nan di trahadó den Gobièrnu, dirigente nan di sindikato tambe ta keda ataka riba media nan sosial!
MAN ta kondena e agresividat aki di parti di minister Silvania, i pidi na mes momento gabinete Pisas pa atendé esaki! Pasombra asta koleganan minister a bin ta risibí falta di kolegialidat te ku mentira i manipulashon di e minister enkuestion ta persibí su mes na dje.
Frakshon ta MAN ta pidi atenshon di promé minister pa atendé e situashon aki, promé ku esaki por sali for di man, Kòrsou ya ta bou di basta preshon, pa kue hende no ta bai sigui aseptá e komportashon indebido di minister Silvania!
Mester protehá privasidat, i integridat di empleado públiko, pasombra meskos ku nos ke pe ámtenar kumpli ku su tarea i respetá su mandatario, nos ta eksigí pa e mandatario tambe duna rèspèt i protehá e trahadó.
Pasombra kon gobièrnu por defendé un otro trahadó ora un doño di trabou ku ta abusá di su trahadó?