DEPARTAMENTU DI ARBITRAHE KU SU SEGUNDO KURSO DI ARBITRAHE PA E AÑA AKI! INISIO DI E KURSO LO TA 15 DI SÈPTÈMBER 2023!

DEPARTAMENTU DI ARBITRAHE KU SU SEGUNDO

KURSO DI ARBITRAHE PA E AÑA AKI!

INISIO DI E KURSO LO TA 15 DI SÈPTÈMBER 2023!

 

 

Departamentu di arbitrahe di FFK ta bai organisá e segundo kurso di arbitrahe pa e aña aki ku lo ta na enkargo di Valetino ‘Tino’ Chance. Despues ku e promé kurso básiko di aña aki a resultá di ta un éksito, dia 15 di sèptèmber 2023 lo inisiá ku e segundo kurso básiko pa tur hende muhé i hòmber di 15 aña òf mas, pa dirigí entre otro weganan di Kampionato Hubenil ku ta e kategorianan di U-9 te ku U-20, Kampionato Femenino i tambe partidonan di Terser Divishon.

 

Departamentu di arbitrahe ta enkurashá spesialmente nos hende muhénan pa partisipá na e kurso aki debí ku no tin asina tantu hende muhé ku ta arbitro. FIFA ta stipulá ku partidonan femenino mester keda dirihí pa rèfrinan femenino. Pues un yamada ta bai na tur dama pa bin duna un man i amplia nos kuerpo di arbitrahe.

 

E kurso lo inisiá djabièrnè, 15 di sèptèmber próksimo di 6’or di atardi pa 8’or di anochi i lo finalisá djasabra 30 di sèptèmber 2023 ku un èksamen di 10’or di mainta pa 12’or di mèrdia.

 

E fecha ku orarionan ta lo siguiente:

 

Dia	Fecha	Orario	Lugá
Djabièrnè	15 sèptèmber 2023	6-8 PM	Sala di FFK
Djasabra	16 sèptèmber 2023	9 AM – 5 PM
Djamars	19 sèptèmber 2023	6-8 PM
Djaweps	21 sèptèmber 2023	6-8 PM
Djabièrnè	22 sèptèmber 2023	7-9 PM
Djasabra	23 sèptèmber 2023	9 AM – 5 PM
Djamars	26 sèptèmber 2023	6-8 PM
Djaweps	28 sèptèmber 2023	6-8 PM
Djasabra	30 sèptèmber 2023	10 AM – 12 PM

 

 

Ora kompletá e kurso ku éksito lo tin un periodo di prueba di 6 luna promé ku risibí e diploma.

Pa inskripshon por tuma kontakto ku departamentu di arbitrahe na referee@ffk.cw òf via di number di telefòn 7365040 (ekstenshon 102) òf por manda un ‘app’ na 5482310. Inskripshon ta kosta fl.10,- i e kurso mes ta grátis, ku tur material inkluí. Por inskribí te ku 15 sèptèmber 2023.

Pa abo ku ta un hóben dinámiko ku outoridat i ku ambishon, esaki ta bo oportunidat pa bira rèfri.

 

Inskribí awe mes, Departamentu di arbitrahe i FFK ta warda bo!

 

10 sèptèmber 2023