Un komienso nobo

Djabièrnè último Funditut a otorgá 14 hóben ku a terminá e di dos fase di e proyekto “Un komienso nobo”. E ministerio di defensa ta responsabel pa e promé fase ku ta e “sociaal vormingstraject” (SVT). Funditut ta responsabel pa e di dos fase ku ta e “leerwerktraject”.

E proyekto ta pa hóbennan di 18 pa 24 aña ku no tin trabou, no a terminá skol avansá òf ku a bini den man di hustisia. E meta di e proyekto ta pa hóbennan por siña disiplina, traha huntu, perseveransia i dominio propio pa asina nan por haña un trabou i mantene esaki.

E sertifikado ta un prueba di perseveransia, disiplina i resilensia. Un pabien na e hóbennan ku a terminá e proyekto ku éksito.