Selikor ta adaptá orario pa rekohé shushi di kas

Debí ku nos ta den un temporada di kalor eksesivo i wer bastante kayente, entrante djaluna 18 di sèptèmber, Selikor lo adaptá su orario di rekohé shushi.   Esaki ta enserá ku trùknan di shushi ta sali for di 6^or di mainta. E kambio akí ta keda na vigor miéntras ku nos keda konfrontá ku temperatura mas haltu ku normal.

Selikor ta pidi tur habitante pa kòrda pone kònteiner trempan pafó di kurá ya ku trùknan ta kuminsá pasa for di 6^or di mainta pa rekohé shushi.

Gerensia ta yama danki pa boso komprenshon i ta pidi diskulpa pa eventual inkonbeniensia.