Promé Minister Gilmar Pisas a reuní ku representantenan di aav i sgtk.

Promé Minister Gilmar Pisas a reuní ku representantenan di aav i sgtk.

 

Willemstad – Promé Minister sr. Gilmar Pisas a reuní ku representantenan di AAV (Algemene Aannemers Vereniging)  i SGTK (Sindikato Trahadonan di Kontratista) dia 15 di sèptèmber 2023.

 

Durante di e reunion e representantenan di ambos organisashon a haña oportunidat pa kompartí diferente di nan preokupashon ku Promé Minister sr. Pisas relashoná ku e situashon di trabou di e trahadonan di Kontratista i informashon ku kada partido tabata deseá di risibí riba e prosesonan ku RdK ta enkaminá aktualmente.

 

Pa RdK tabata presente e direktor interino sr. Patrick Newton kende a duna un splikashon amplio pa ku tur loke`ku ta tumando lugá aktualmente i tambe e lokenan ku tin den preparashon pa ku e próksimo lunanan, entre otro.

Sr. Newton a informá ku regularmente e ta reuní ku tur e stakeholdernan nesesario i ku e lo sigui hasi esaki asina ku tin mas informashon konkreto disponibel.

E la trese dilanti tambe ku dia 14 di sèptèmber 2023 mes, un dia promé ku e reunion aki, e la reuní ku e representantenan di e Sindikato SGTK i AAV na RdK.

Promé Minister sr. Pisas a perkurá pa por a elaborá riba diferente punto di interes komun, pa asina por tene tur hende debidamente informá di loke ta tumando lugá.

 

Promé Minister sr. Pisas a yama e direktor interino sr. Newton danki pa tur informashon ku e la kompartí i alabes a bai di akuerdo ku lo bai krea un struktura kaminda tur e partido enbolbí por keda mihó informá den futuro, hasi tur e preparashonnan nesesario i alabes tin oportunidat pa duna sosten i sugerensia na tur loke tin den preparashon.

 

E reunion a kana den un bon esfera kaminda e representantenan di e Sindikato i AAV por a tuma nota di diferente informashon i a keda satifecho ku tur loke a kompartí ku nan.