Aksidente riba Kaya Korona

Djasabra 23 di sèptèmber, alrededor di 3.45 or di mardugá ‘meldkamer’ sentral a risibí notifikashon di un aksidente riba Kaya Korona. Shofùr di un outu a kore dal den un treiler i a keda pega bou di esaki. ‘Meldkamer’ sentral a dirigí patruya di polis, brantwer i ambulans pa e sitio. Na e sitio, patruya a konstatá ku e shofùr tabata inkonsiente i heridá. Brantwer a kuminsa ku trabounan pa saka e víktima for di den e outo.

Algun ratu despues brantwer a logra saka e víktima for di den e vehíkulo i ambulans transport’e ku urgensia pa hòspital pa tratamentu médiko.