AKSIDENTE KU HERIDO DEN ORANAN DI MARDUGA

Outoridatnan mester a bai atendé ku un aksidente kaminda shofùr di vehíkulo a pèrdè kòntròl i dal frontal kontra di un palu di lus. E palu di lus a parti den 2. Basta daño material a keda atras. Mester a pidi asistensia di Aqualectra i tim di reskate yega e sitio pa asina por a saka e hòmber for di esaki. A transporte pa hospital. E aksidente aki a tuma luga den área di Montaña. Ta investigando pa sa si ta velosidat of alkohôl a hunga un ròl den e kaso aki.