Universidat di Kòrsou Dr. Moises da Costa Gomez su estudio International Hospitality & Tourism Management ta honra World Tourism Day ku un Simposio pa Invershonnan Bèrdè: Pueblo, Planeta & Prosperidat
Willemstad, 27 di sèptèmber 2023
Universidat di Kòrsou Dr. Moises da Costa Gomez su estudio International Hospitality & Tourism Management ta honra World Tourism Day ku un Simposio pa Invershonnan Bèrdè: Pueblo, Planeta & Prosperidat
Mundialmente riba 27 di sèptèmber ta selebrá World Tourism Day, i e aña akí e tópiko tabata ‘Invershonnan Bèrdè: Pueblo, Planeta & Prosperidat,’ manera United Nations World Tourism Organisation a selekshoná. E programa International Hospitality & Tourism Management (IH&TM) di Universidat di Kòrsou a duna su kontribushon na e inisiativa importante akí pa medio di un simposio inspirador.
E simposio, ku a tuma lugá na Universidat di Kòrsou Dr. Moises da Costa Gomez, a trese sinku orador prominente huntu pa ilustrá e tópikonan ‘Pueblo’, ‘Planeta’ i ‘Prosperidat,’ i kon nan ta konektá ku turismo sostenibel. E evento a brinda un plataforma pa diskushonnan revelador i a trese huntu tantu studiante di e programa IH&TM komo ekspertonan den e sektor di hospitalidat i turismo.
Romy Nieuwenhuis, representante di BRAVO, a tuma e tópiko ‘Pueblo’ bou di su responsabilidat i a ofresé un presentashon profundo tokante tendensianan global di HR i e invershonnan esensial ku mester ser hasí pa reforsá e sektor akí.
Peggy Croes di Curaçao International Airport Partners a enfoká riba ‘Planeta’ i a enfatisá esfuersonan di aeropuertonan i aerolíneanan mundialmente, ku un atenshon spesífiko riba Kòrsou.
Muryad de Bruin di Curaçao Tourist Board a pone énfasis riba e importansia di turismo pa ‘Prosperidat’ di e isla di Kòrsou i e nesesidat di invertí pa kresementu sostenibel.
Dino Daal di UoC a unifiká e tres elementonan esensial di ‘Pueblo’, ‘Planeta’ i ‘Prosperidat’ i a suprayá e importansia di desaroyo stratégiko di destinashon pa un futuro sostenibel.
Despues a sigui Edwin Oostenbrink di Landhuis Chobolobo ku un splikashon tokante e akshonnan ku Chobolobo a tuma pa bira mas bèrdè. El a ilustrá kon invertí pa bira mas sostenibel ta posibel pa tur hende.
E simposio tabata bon bishitá i a brinda perspektivanan balioso tokante krea práktika di turismo sostenibel. Tantu studiantenan komo profesionalnan den sektor di hospitalidat i turismo a sali di e evento ku un komprenshon mas profundo di e papel ku nan por hunga pa forma un futuro mas bèrdè i próspero.
E programa International Hospitality & Tourism Management di Universidat di Kòrsou ta sigui traha pa fomentá turismo sostenibel i inspirá generashonnan futuro kaminda nan ta ‘Changemakers’ den e sektor.
Pa mas informashon: Pamela Rusch, pamela.rusch@uoc.cw, 663-7911.
Willemstad, 27 september 2023
Universiteit van Curaçao’s programma International Hospitality & Tourism Management eert World Tourism Day
met Groen Investeren Symposium
Wereldwijd wordt op 27 september World Tourism Day gevierd, en dit jaar was het thema ‘Green Investments: People, Planet & Prosperity’, zoals gekozen door de United Nations World Tourism Organisation. Het programma International Hospitality & Tourism Management (IH&TM) van de Universiteit van Curaçao droeg zijn steentje bij aan dit belangrijke initiatief door middel van een inspirerend symposium.
Het symposium, dat plaatsvond op de Universiteit van Curaçao Dr. Moises da Costa Gomez, bracht vijf vooraanstaande sprekers samen om de onderwerpen ‘People’, ‘Planet’ en ‘Prosperity’ te belichten en hoe deze zich verhouden tot duurzaam toerisme. De bijeenkomst bood een platform voor inzichtelijke discussies en bracht zowel studenten van het IH&TM-programma als experts uit de gastvrijheids- en toerismesector samen.
Romy Nieuwenhuis van BRAVO nam het onderwerp ‘People’ voor haar rekening en gaf een diepgaande presentatie over wereldwijde HR-trends en de cruciale investeringen die nodig zijn om deze sector te versterken.
Peggy Croes van Curaçao International Airport Partners concentreerde zich op ‘Planet’ en onderzocht met name de inspanningen van luchthavens en luchtvaartmaatschappijen wereldwijd, met een focus op Curaçao.
Muryad de Bruin van het Curaçao Tourist Board benadrukte het belang van toerisme voor de ‘Prosperity’ van het eiland Curaçao en de noodzaak om te investeren in duurzame groei.
Dino Daal van de UoC bracht de drie essentiële elementen van ‘People’, ‘Planet’ en ‘Prosperity’ samen en benadrukte het belang van strategische bestemmingsontwikkeling voor een duurzame toekomst.
Edwin Oostenbrink van Landhuis Chobolobo deelde praktijkvoorbeelden van duurzame initiatieven binnen zijn bedrijf en illustreerde hoe groen investeren mogelijk is voor iedereen.
Het goed bezochte symposium bood waardevolle inzichten in het creëren van duurzame toerismepraktijken. Zowel studenten als professionals uit de gastvrijheids- en toerismesector gingen naar huis met een dieper begrip van de rol die zij kunnen spelen in het vormgeven van een groenere en welvarendere toekomst.
Het programma International Hospitality & Tourism Management van de Universiteit van Curaçao blijft zich inzetten voor het bevorderen van duurzaam toerisme en het inspireren van de toekomstige generatie Changemakers in de sector.
Voor meer informatie: Pamela Rusch, pamela.rusch@uoc.cw, +5999 663-7911