Detenshon relashoná ku violashon di lei di LTU
KOMUNIKADO DI PRENSA 484/2023
13 òktober 2023
Detenshon relashoná ku violashon di lei di LTU
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 12 di òktober 2023, personal di Bike Tim a tene un kontròl den Punda.
Durante di e kontròl polis alrededor di 20.37’or, a topa ku un hòmber ku ta permanesé
ilegal riba nos isla.
Mesora a detené e hòmber sospechoso D.d.l.S.F. di 24 aña di edat nasé na Repúblika
Dominicana enkonekshon ku violashon di lei di Atmishon i Ekspulshon (LTU).
Su vehíkulo a keda transportá pa warda di polis na Rio Canario.
E hòmber a keda entregá na personal di Departamento di Imigrashon ku lo sòru pa su
deportashon.
