KOMUNIKADO DI PRENSA 489/2023
15 òktober 2023

Kontròl riba shofùrnan bou di influensia di alkohòl

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 13 di òktober 2023, e unidat di tráfiko huntu ku Koninklijke Marechaussee (Kmar)
a tene kontròl riba shofùrnan ku ta manehá vehíkulo bou di influensia di alkohòl i ku ta
surpasá e kantidat ku lei ta pèrmití.
E kontròlnan aki a tuma lugá den área di Bapor Kibrá te ku Janthiel.
A kontrolá 65 vehíkulo i a repartí 2 prosès verbal, pa winshil di plak i un vehíkulo sin
dokumentunan na òrdu.
A tèst 27 shofùr di kua 5 a resultá positivo. Práktikamente tur esnan ku a surpasá e límite di
alkohòl, a keda enkontrá durnate di e kontròl den e área di Bapor Kibrá.
Un di e shofùrnan aki a konsumí sufisiente alkohòl ku tabata nesesario pa kita su reibeweis i
pone esaki na disposishon di Ministerio Públiko ku mester bai tuma un desishon pa ku
esaki.
Un bia mas polis ke hasi un súplika na tur persona ku ta manehá vehíkulo, pa si bo ta stür
no bebe i si tòg bo ta deseá na konsumí alkohòl, laga un otro persona ku ta sobrio, kore pa
bo.
E kontròlnan aki lo kontinuá.