KOMUNIKADO DI PRENSA 490/2023
15 òktober 2023

Tres agente polisial ta bai sigui kurso den eksterior

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Pa por duna kontenido na entre otro e plan di aña i vishon di Kuerpo Polisial Kòrsou, hefe di
Kuerpo sr. Raymond Ellis ku tin asiento den e kolegio di hefenan di e kuerponan polisial den
reino i huntu ku Minister di Hustisia, a hasi posibel pa tres agente polisial sigui un kurso den
eksterior den forma di ‘Train the Trainer’.
Djadumingu 15 di òktober 2023, tres agente polisial ku ta traha na diferente departamento,
a biaha pa Miami, pa durante di dos siman sigui un kurso spesialisá na ‘Miami Dade College
School of Justice’.
Durante di e kurso aki, e agentenan lo wòrdu prepará riba diferente aspekto pa ku manehá
vehíkulo polisial bou di sirkumstansianan no usual, manera maniobrá mei-mei di barera,
riba velosidat haltu, den fila ets.
Pero tambe nan lo siña téknikanan di por ehèmpel kue brek riba superfisie muá, dominio di
vehíkulo riba velosidat haltu den bògt i hopi mas.
Lo nan atkerí mas konosementu tokante proseduranan kon pa para un vehíkulo pa kontròl
pero tambe kon pa aserká okupantenan den vehíkulonan ku glas skur.
Na nan regreso, e koleganan aki lo pasa tur nan konosementu i abilidatnan atkerí pa otro
koleganan den kuerpo, ku sigur lo tin benefisio di dje den nan trabou diario.
Riba e potrètnan athunto, na momentu ku tantu Minister Hato, Komisario Ellis i sra. Irina
van Namen (sekretaria di e kolegio), tabata na aeropuerto pa despedí di e koleganan.