KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa maltrato, menasa i intento di homisidio

KOMUNIKADO DI PRENSA 492/2023
16 òktober 2023

Detenshon pa maltrato, menasa i intento di homisidio

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 16 di òktober 2023 alrededor di 08.20’or, Sentral di Polis a haña notifikashon
di un dama ku a deklará ku su primu a top’é banda di skol di su yunan, i dal’é ku outo i pa despues baha for di e outo i a maltrat’é ku un bate di beisbòl.
Un ratu despues e dama a yama i notifiká Sentral ku e primu ta patras di un restorant riba F.D. Rooseveltweg. Mesora a dirigí un unidat na e sitio, pero no a enkontrá ku e
sospechoso.
Kontinuando ku e investigashon polis a bai na un adrès riba Cubaweg. Einan polis a topa e sospechoso, e hòmber D.S. di 33 aña di edat nasé na Kòrsou, ku a keda detené
pa maltrato, menasa i intento di homisidio.
A konfiská su vehíkulo ku a keda tranportá pa warda di polis na Rio Canario.
A presentá e sospechoso dilanti di un fiskal ouksiliar ku a ordená su
enkarselamentu pendiente di mas investigashon.

639114718427035"
639114718427035"