Parlamento di Kòrsou a deliberá ku Minister di Tráfiko, Transporte i Planifikashon Urbano i gerensia di Fundashon Kas Popular enkuantu desaroyonan preokupante na FKP.
Parlamento di Kòrsou
Parlamento di Kòrsou a deliberá ku Minister di Tráfiko, Transporte i Planifikashon Urbano i gerensia di Fundashon Kas Popular enkuantu desaroyonan preokupante na FKP.
Djaweps 19 di òktober 2023, Parlamento di Kòrsou a bini huntu den un reunion Públiko pa deliberá ku Minister di Tráfiko, Transporte i Planifikashon Urbano Sr. Charles Cooper i gerensia di Fundashon Kas Popular enkuantu desaroyonan preokupante na FKP.
Na inisio di e reunion, Parlamento a bai di akuerdo ku e proposishon di òrdu, pa minister di SOAW, presentá den Parlamento pa duna splikashon riba preguntanan di Miembronan di Parlamento relashoná ku e parti sosial, manera entre otro subsidio pa kas. Despues di a skòrs e reunion pa algun ratu, minister Ruthmilda Larmonie-Cecilia, a presentá den sala di Parlamento. Seguidamente a sigui ku e promé tanda di pregunta.
Presidente di Parlamento sra. Charetti America-Francisca a skòrs te un próksimo aviso pa duna minister Cooper i minister Larmonie-Cecilia espasio pa formulá e kontestanan riba e preguntanan hasí den promé tanda.
