Pronóstiko di tempu pa Kòrsou i bisindario bálido te djadumingu atardi 18:00 o.l., 22 di òktober 2023.

Pronóstiko

Pronóstiko di tempu pa Kòrsou i bisindario bálido te djadumingu atardi 18:00 o.l., 22 di òktober 2023.
Kompilá: djasabra 21 di òktober 2023, 17:00 o.l. (21:00 UTC).

Tempu: Parsialmente nublá, prinsipalmente awe nochi pa mayan mainta shelu lo bira temporalmente hopi nublá ku algun áwaseru. Posiblemente kompañá pa welek i bos ku bientu de bes en kuando fuerte.

Temperatura máksimo lo alkansá 32ºC i temperatura mínimo 25ºC.
Solo ta sali 06:26 i ta baha 18:14 o.l.

Bientu: Direkshonnan variabel i por lo general suak; forsa 1 te 3 (1 te 19 km/ora, 1 te 10 nudo). Durante posibel áwaseru mas pisá, de bes en kuando moderá te fuerte den ráfaga; forsa 4 te 6 (20 te 50 km/ora, 11 te 27 nudo).

Situashon general: Awe tardi, orkan Tammy ta move poko poko nortwèst riba Oséano Atlántiko, djis ost i serka di e islanan den e sekshon nortost di Laman Karibe. Mas ainda, miéntras tantu e siklon tropikal ta serka di Karibe, un ambiente atmosfériko instabil i bientunan suak lo persistí den nos region. Pa e motibu aki, ainda nubianan por plama den e área di nos isla i laga awa kai riba partinan di e isla. Tambe e áwaseru por ta lokalmente fuerte. Adishonalmente, resake asosiá ku e orkan ta alkansá e laman na nort di e isla, di manera ku esaki na kostanan nort i ost lo ta un poko brutu.

Kondishon di laman: Resake na kosta nan nort i ost ta generá olanan entre 1 i 1.5 meter (3 pa 6 pia). Kondishon riba otro partinan di e laman lo ta generalmente trankil ku olanan di ménos ku 1 meter (3 pia).

Sistemanan signifikante di wer tropikal: Orkan Tammy tabata situá awe tardi hopi serka di e islanan Guadeloupe i Antigua i ta plamando áwaseru i bientu nan fuerte den e region, miéntras e ta moviendo poko den un direkshon nort nortwèst. E siklon tropikal Tammy no ta un menasa pa Kòrsou.

Fenómeno spesial: Ningun.

Perspektiva te djaluna atardi: Durante di e mardugá i mainta di djaluna, nubianan lo oumentá i lokalmente ku algun áwaseru.

Meteorólogo: Coffie