Awe dia 20 di Oktober 2023 ta fecha ku mundu ta selebra dia internashonal di kontroladónan aéreo.

Den e mundu aéreo ta di vital importansha pabo tin un bon sistema di kontròl i komunikashon ku por garantisá e segutidat i efisiensia di un sistema di transporte ku durante añanan ku a pasa a bira sumamente importante i esensial pa tur paìs na mundu…inklúso pa nos aki na Kòrsou.

E taréa aki ta ser realisá pa kontroladónan aéreo di tur país na mundu ku ta traha 24/7, 365 dia pa aña.

I awe nos aki na Kòrsou tambe a para ketu un ratu pa selebrá i tambe gradisí tur ku ta laborá den nos sistema di kontròl aéreo.

Ministerio di Tráfiko, Transporte i Planifikashon Urbano sr Charles Cooper tabata presente huntu ku e empleádonan aki pa asina pasa un ratu ameno ku nan i tambe pa gradisí kada un di nan pa nan dedikashon i amor pa nan trabou.

Pabien i sigui ku e bon trabou.