Pronóstiko di tempu pa Kòrsou i bisindario bálido te djasabra mainta 06:00 o.l., 14 di yanüari 2017.

Pronóstiko
Pronóstiko di tempu pa Kòrsou i bisindario bálido te djasabra mainta 06:00 o.l., 14 di yanüari 2017.
Kompilá: Djabièrnè 13 di yanüari 2017, 05:00 o.l. (09:00 UTC)
KÓDIGO HEL: USUARIONAN DI BOTO CHIKI MESTER TENE KUENTA KU LAMAN BASTA BRUTU
Tempu: Parsialmente nublá, de bes en kuando hopi nublá ku algun áwaseru di karakter lokal.
Temperatura máksimo lo alkansá 30°C. i temperatura mínimo 21̊C.
Solo ta sali 07:00 i ta baha 18:29 o.l.
Bientu: For di direkshon nortost i moderá te basta fuerte; forsa 4 te 5 (20 te 39 km/ora, 11 te 21 nudo). Prinsipalmente den áwaseru, de bes en kuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo). 
Situashon general: Sobránan di un frente friu a pasa ayera nochi over di nos region den direkshon sùit. Ta antisipá ku durante di próksimo 24 ora mas nubia asosiá ku e sistema aki lo sigui drenta nos region. For di algun di e nubianan aki lo kai algun áwaseru adishonal riba vários parti di nos isla. Mas aleu temperatura riba nos isla durante di próksimo dianan espesialmente anochi i den áwaseru lo ta mas abou ku kustumber, dor di un fluho di aire bastante fresku for di direkshon nortost. 
Kondishon di laman: Por lo general moderá te lokalmente basta brutu ku altura di olanan entre di 1 i 2.5 meter (3 te 8 pia). Pa e motibu aki ta urgí doñonan di boto chikí pa tene kuenta ku esaki (Kódigo Hel) i no bai leu for di kantu.

Fenómeno spesial: Ningun.
Perspektiva te djadumingu mainta: Por lo general parsialmente nublá ku lokalmente algun áwaseru mas. 
Meteorólogo: Capello/Rombley.

E próksimo boletin di tempu (na hulandes) lo wòrdu publiká djabièrnè 11:00 o.l. (15:00 UTC).