Charla riba Alimentashon Responsabel na Sentro di bario Souax

Charla riba Alimentashon Responsabel na Sentro di bario Souax

Djamars 17 di yanüari próksimo Fundashon Pro Souax ta kuminsá na Sentro di bario Souax, ku e siklo di charla ” ALIMENTASHON RESPONSABEL”.
Meta di e charlanan aki ta pa duna informashon i di e forma aki, hasi habitantenan di Souax i bisindario i tambe otro interesadonan mas konsiente, kon alimentá nan mes di un forma balansá, sano i responsabel.
E charlanan ta na e enkargo di e konosido dietista sra. Miriam de Windt i lo ta grátis.
E charlanan lo ta kada un luna pasa riba e di 3 djamars di luna, di 7or pa mitar di 9 di anochi na Sentro di bario Souax.
E promé charla lo ta djamars 17 di yanüari próksimo i e tópiko ku e dietista lo trata ta: Alimentashon balansá i importansia di mantené un bon peso.
Lo tin amplio oportunidat pa hasi pregunta i un i tur ta keda kòrdialmente invitá pa bin skucha informashonnan interesante riba e tópiko aki.

Charla ALIMENTASHON RESPONSABEL

Tópiko :” ALIMENTASHON BALANSÁ I IMPORTANSIA DI MANTENÉ UN BON PESO”
Oradó : DIETISTA Sra. Miriam de Windt
Dia : Djamars 17 di YANÜARI 2017
Ora : Shet’or pa mitar di nuebe di anochi (19.00 – 20.30)

Lugá : Sentro di bario Souax
Entrada : GRATIS