KAMPEONATO NASHONAL KORSOU 2023
KAMPEONATO NASHONAL KORSOU 2023
Willemstad, 22 òktober 2023
Federashon di Dam Kòrsou ta anunsiá ku e temporada pa e klasifikashonnan pa Kampeonato Nashonal di Dam Kòrsou ta bai inisá den luna di november binidero i ta hasi un yamada na tur miembro i no miembro pa nan registrá pa por klasifiká pa e 10 top hungadornan di Kòrsou, huntu ku e kampeon sub-kampeon di 2022, pa e gran final den luna di desèmber 2023.
Dependé e kantidat di partisipante ku registrá lo hunga un semi-final i un final. Si no tin e kantidat di partisipante, lo hunga un “Round Robin” mesora, es ta tur kontra tur. E skema ta lo siguente:
- Semi final: novèmber 5,7,10,12,14,17 ku 6 wega sistema suiso
- Final : novèmber 21,24, 26,28, desèmber 1, 3, 5, 8, 10, 12, 15 ku 11 wega sistema Round Robin / tur kontra tur
E orarionnan i dianan ta hopi fleksibel i bo por palabrá i hunga den e ora i dia ku por fasilitá e partisipashon di abo i bo kontrikante mas miho. Federashon Dam Kòrsou ta organisá e wegana di e forma aki pa mas tantu hende por partisipá. E weganan aki ta sirbi komo klasifikashon pa:
- PAMDCC PanAmerican Costa Rica. APRIL 5 – 13, 2024 (3 hungado).
- Kampionato Mundial TEAM 2024, Santo Domingo MEI 1- 7, 2024 (3 hungado,1 reserve).
- ABC 2024 Aruba, MEI 17-19,2024 OF MEI 25-26, 2024 (4 hungado,1 reserve)
Interesante pa menshoná ku pa e PAMDCC 2024 na Costa Rica ta bai tin klasifikashon pa 2 representante femenino di tur pais ku ta registrá pa partisipá, pues ta enkurashá tur hende muhe hungador di dam di Kòrsou pa nan tambe registrá!
Detayenan di registrashon i partisipashon:
Partisipashon ta nafl 35,– ($20)
Banko Benefisiario: Vidanova Bank
Nòmber Benefisiario: Federashon di Dam Kòrsou
ADRES: F.D. Rooseveltweg 152 N
KUENTA: 30 01 21 43 74.
Registrashon i komprobante di pago ta tuma luga via di: FEDAKOROFFICIAL@GMAIL.COM
DESPUES DI NOVEMBER 3, 2023 NO POR REGISTRA MAS!
Federashon Dam Kòrsou ke korda i informá tur miembro di Federashon Dam Kòrsou ku nan mester tin nan kontibushon annual di Nafl 60,– (nafl 5 pa luna) pagá pa por registrá i partisipá na e Kampeonato Nashonal Kòrsou 2023.
Masha danki i èksito na tur partisipante!
FEDERASHON DI DAM KORSOU
Kas di Dam
F.D. Rooseveltweg #152 Unit N
Tel: +599 9 527 8604
