KOMUNIKADO DI PRENSA 512/2023
24 òktober 2023

Detenshon pa violashon di lei di LTU

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un investigashon penal ku ta keda realisá dor di Divishon di Krímen Organisá
awe djamars 24 di òktober 2023 den oranan di mainta, Polis konhuntamente ku e
tim multidisiplinario konsistiendo di Mareshosé, SBAB, SVB, SOAW, MEO, RST, i
Brantwer a tene un kontròl na dos diferente hotèl den área di Otrobanda.
Durante di e kontròl aki, a enkontrá algun persona indokumentá ku a wòrdu
detené i transladá pa e Departamentu di Imigrashon ku a sòru pa nan
enkarselamentu pendiente di nan deportashon. Mesora despues, bou di guia
di wes komisario i fiskal di Ministerio Públiko a tene kuater entrada hudisial
na e.o. un adrès na Sunset Height, dos kas i un kantor den área di Suffisant.
A konfiská bastante artíkulo ku ta di importansha pa e investigashon.
Durante di e entradanan hudisial aki no a hasi detenshon.
E investigashon den esaki ta kontinuá.