NOS SELEKSHON NASHONAL FEMENINO SENIOR TA NA CAYMAN ISLANDS PA NOS PROMÉ PARTIDO DI E CONCACAF WOMEN ROAD TO WORLD CUP 2023!

NOS SELEKSHON NASHONAL FEMENINO SENIOR TA NA CAYMAN ISLANDS PA NOS PROMÉ PARTIDO DI E CONCACAF WOMEN ROAD TO WORLD CUP 2023!

 

 

Ayera mèrdia nos selekshon a sali rumbo pa Cayman Islands pa nos partisipashon na e promé partido di e CONCACAF Women Road to World Cup 2023. Nos selekshon a biaha pa Miami di transito kaminda nan a permanesé un anochi i awe mainta nan a sigui rumbo pa Cayman Islands.

 

Nos selekshon a yega bon i lo kontinuá ku e preparashonnan pa nos promé partido ku lo tuma lugá djaweps 26 di òktober 2023 den Stadion Truman Bodden Sports Complex, mitar di 5 di atardi kontra Cayman Islands. Nos selekshon ta tin su promé seshon di training na Cayman Islands awe ‘tardi i mañan tambe nos lo entrená pa duna un bon bataya djaweps binidero.

 

Despues di e partido di djaweps nos selekshon lo regresá Kòrsou pa nos segundo partido ku lo tuma lugá djaluna, 30 di òktober 2023 den Stadion Rignaal ‘Jean’ Francisca pa 8’or di anochi kontra Anguilla.

 

Preparashonnan ta kontinuá pa nos selekshon logra sali viktorioso di nos promé enkuentro di e CONCACAF Women Road to World Cup 2023.

FFK ta deseá nos selekshon nashonal femenino senior tur klase di éksito!