Torneo di waterpolo divishon señor na Boneiru!

Torneo di waterpolo divishon señor na Boneiru!

Djabiérné 27 pa djadumingu  29 di òktober 2023 Swim Club Orca Curaçao (Orca) a partisipá na un torneo di waterpolo na Boneiru ku tim di landamentu i waterpolo Barracudas a organisa. A konta ku partisipashon di 2 tim di Kòrsou i 3 tim di Boneiru. Kòrsou a partisipá  ku Orca A i Orca B i e tim nan di  Boneiru tabata Bonaire Boys, Barracudas U16 i Barracudas senior.

E tim di Orca A a gana tur su weganan, 19 pa 13 kontra orca B, 8 pa 7 kontar di Bonaire Boys, 16 pa 12 kontra di Barracudas senior i 16 pa 5 kontra di U16 di Barracudas.

E tim di Orca B a perde kontra Orca A, a gana di Barracudas U16 20 pa 7, empata kon tra di Bonaire Boys 8 pa 8 i a gana di Barracudas senior 19 pa 9.

Orca A i Orca B a hunga final, Orca A a gana 16 pa 8. Orca A a sali kampion i Orca B sub kampion.

Direktiva di Orca ke gradisi e atletanan di Orca A i Orca B pa e tremendo prestashon.
Danki na Carib inter trans ku a sponser uniform di e atletanan, ku a lusi masha bunita mes.