FFK I SR. BICENTINI A YEGA NA UN AKUERDO MUTUO I TA SIGUI TRAHA RIBA FUTURO!
FFK I SR. BICENTINI A YEGA NA UN AKUERDO MUTUO I TA SIGUI TRAHA RIBA FUTURO!
Federashon Futbòl Kòrsou ta hopi satisfecho ku e resultado di e huisio sumario ku a keda entamá i tratá awe den Korte na Kòrsou. A skohe pa e medio aki pa pone un fin na e situashon ku tabata reina p’asina por sigui traha riba e futuro di nos selekshon nashonal.
FFK ta lamenta sí e kampaña negativo ku Sr. Bicentini a hiba den media i konsekwentemente ta distansia su mes di e ekspreshonnan ku e eks ‘headcoach’ a usa ku a hasi daño na nos futbòl tantu riba nivel nashonal komo internashonal.
Ku e akuerdo mutuo di awe mainta FFK ta kontentu di por sera e kapítulo di Sr. Bicentini i riba petishon eksplisito di Sr. Bicentini lo no divulgá e areglo finansiero.
FFK ta fiha su mes riba futuro i e asignashon di e entrenadó di taya mundial den persona di
Sr. Guus Hidding i su staf nobo. Manera a keda anunsiá anteriormente lo tene un konferensia ku prensa i esaki lo tuma lugá djadumingu 15 novèmber 2020 pa 11’or di mainta den e VIP Room di FFK (edifisio nobo), den kua miembronan di prensa lo haña oportunidat pa sera konosí ku e staf nobo i alabes por hasi pregunta riba e ‘traniningskamp’ di e siman aki i e plannan pa futuro di nos selekshon nashonal.
E enkuentro aki lo tuma lugá bou di e medidanan vigente di Covid-19.
Ku hopi entusiasmo FFK ta mira e kolaborashon ku e staf nobo i e próksimo desafionan entre otro e kualifkashon pa e Mundial di FIFA, Qatar.
Alabes ta trahando riba un kuadro profeshonal i éksitoso pa tur nos hungadónan di e tim Nashonal.
Kòrsou ta preparando su mes pa e próksimo nivel!
12 novèmber 2020