Resultadonan di e bono di 3,24% ku plaso di 10 di novèmber 2023-2043, di Pais Sint Maarten

Willemstad/Philipsburg – Centrale Bank van Curaçao en Sint Maarten a risibí suskripshon pa e bono di 3,24% di Pais Sint Maarten ku plaso di 10 di novèmber 2023- 2043. E suskripshonnan akí tabatin un suma nominal total di NAf. 61.354.000 i un preis di emishon di 100,00%.
Gobièrnu di Sint Maarten a aseptá e suskripshonnan na un preis di 100,00% i un rendimentu di 3,24%. Suma nominal di e fiansa aseptá ta di NAf. 60.854.000.
Pago mester tuma lugá djabièrnè 10 di novèmber 2023 na Centrale Bank van Curaçao en Sint Maarten.
Willemstad, 7 di novèmber 2023
CENTRALE BANK VAN CURAÇAO EN SINT MAARTEN