KOMUNIKADO DI PRENSA 528/2023
10 novèmber 2023

Detenshon relashoná ku atrako

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku un kaso di atrako ku a tuma lugá dia 28 di òktober 2023 entre 22.00 pa
23.00’or na altura di un lugá di stashoná outo riba Pater Euwensweg, polis a hasi dos
detenshon.
Djabièrnè 10 di novèmber 2023 alrededor di 05.10’or, Tim di Atrako a bai na un adrès na Hofi Monchi i a hasi detenshon di e dama sospechoso D.Y.C.B., di 20 aña di edat i e
hòmber sospechoso A.E.R.M., di 19 aña di edat, ambos nasé na Kòrsou.
Despues di e detenshonnan polis a tene un entrada hudisial na e adrès ariba menshoná.
A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.