Hòmber ku a bira malu na momentu ku e tabata snòrkel

Awe, djárason 15 di novèmber, alrededor di 1 or di mèrdia, ‘meldkamer’ sentral a risibí notifikashon tokante un hòmber ku a bira malu na momentu ku e tabata snòrkel. E hòmber tabata un turista krusero ku a bai snòrkel ku un grupo. A hiba e víktima kantu ku boto kaminda personal di ambulans mesora a kuminsá ku reanimashon. Ambulans a transport’e ku urgensia pa hòspital. Despues di yegada na hòspital lamentablemente e víktima a bin fayesé. Ta trata di un turista maskulino di inisial R.L.B. nasé riba 5 di yüni 1953 na Estados Unidos.