KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Diferente detenshon i konfiskashon relashoná ku ladronisia di outo

KOMUNIKADO DI PRENSA 549/2023
22 novèmber 2023

Diferente detenshon i konfiskashon relashoná ku ladronisia di outo

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku investigashon relashoná ku diferente kaso di ladronisia di vehíkulo,
personal di e tim ku ta investigá ladronisia di vehíkulo konhuntuamente ku otro timnan di Kuerpo Polisial a tene entrada hudisial na diferente adrès.
Djárason 22 di novèmber 2023 alrededor di 05.00’or e timnan a bai na un adrès
na Medema Park i a hasi detenshon di e hòmber sospechoso J.J., di 37 aña di edat i tambe a konfiská un vehíkulo.
Seguidamente a bai na Montaña Rey i a detené e dos hòmbernan sospechoso Ch.K.,
di 38 aña i U.K. di 36 aña di edat. Einan tambe a konfiská un vehíkulo.
Despues a siguí pa Phoenixweg i a konfiská un vehíkulo.
A bai tambe na Welatinaweg i einan e timnan a detené e hòmber sospechoso R.P. di 30 aña di edat.
Na Huzarenweg a hasi detenshon di e hòmber sospechoso A.H., di 38 aña di edat.
Finalmente a hasi detenshon den Atemisiaweg di e hòmber sospechoso R.S., di 25 aña
di edat. Tur e sospechosonan ta nasé na Kòrsou.
Riba Winston Churchillweg a konfiská un vehíkulo.
A presentá e sospechosonan dilanti un fiskal ouksiliar ku despues di nan interogashon a ordená nan enkarselamentu pendiente di mas investigashon.

639114718427035"
639114718427035"