NOS SELEKSHON NASHONAL FEMENINO SENIOR TA PREPARANDO PA NAN SIGUIENTE KOMPROMISONAN DI E ROAD TO GOLD CUP 2023!
NOS SELEKSHON NASHONAL FEMENINO SENIOR TA PREPARANDO PA NAN SIGUIENTE KOMPROMISONAN DI E ROAD TO GOLD CUP 2023!
Despues ku nos selekshon nashonal femenino a logra 2 viktoria durante nos promé partidonan di CONCACAF Woman Road to Gold Cup 2023, nos selekshon ta kla pa saka nos kara un biaha mas durante nos próksimo partidonan. Na e okashon aki tambe nos selekshon lo tin 2 partido, un afó i un na kas kaminda nan lo ta den akshon na novèmber i dezèmber 2023.
Nos selekshon bou di guia di Dean Gorré i Raul Gonzalez Triana tin vários luna ta praktiká pa duna un bon bataya durante e kontinuashon di e kampionato aki. E biaha aki tambe un grupo di 22 hungadó lokal kombiná ku algun hungadó bibá den eksterior ta forma nos selekshon.
Nos selekshon ta forma parti di Liga C grupo D huntu ku Cayman Islands i Anguilla. Dia 28 di novèmber binidero nos selekshon lo biaha pa Anguilla pa nos terser partido pa despues regresá Kòrsou pa nos di kuater partido ku lo tuma lugá 4 di dezèmber próksimo aki na kas p’asina konkluí e promé ronda di partidonan di CONCACAF Woman Road to Gold Cup 2023.
Skema novèmber/dezèmber liga C grupo D:
| Fecha | Oraio | Tim di kas | Bishitante | Stadion | |
| 1 | 30-11-2023 | 4:00 PM | Anguilla | Kòrsou | Raymond E. Guishard Technical Centre |
| 2 | 4-12-2023 | 8:00 PM | Kòrsou | Cayman Islands | Rignaal ‘Jean’ Francisca |
Preparashonnan ta kontinuá pa nos selekshon femenino senior sigui saka nos kara durante nos próksimo kompromisonan di e CONCACAF Woman Road to Gold Cup 2023 riba dia 30 di novèmber na Anguilla i 4 di dezèmber 2023 aki na Kòrsou.
Keda pendiente pa mas informashon…
23 novèmber 2023
