NOS SELEKSHON NASHONAL FEMENINO SENIOR LO ENFRENTÁ COSTA RICA, DJASABRA 9 DI APREL 7’OR DI ANOCHI DEN STADION RIGNAAL ‘JEAN’ FRANCISCA!

 

NOS SELEKSHON NASHONAL FEMENINO SENIOR LO ENFRENTÁ COSTA RICA, DJASABRA 9 DI APREL 7’OR DI ANOCHI DEN STADION

RIGNAAL ‘JEAN’ FRANCISCA!

 

 

Tur kos ta kla pa nos selekshon nashonal femenino senior enfrentá Costa Rica mañan anochi 7’or den Stadion Rignaal ‘Jean’ Francisca, durante nos último partido di e 2022 CONCACAF Women’s Qualifiers. Nos a sali viktorioso ku skor di 1-0  kontra US Virgin Islands ku gol di Riesmarly Tokaay. Nos selekshon a yega Kòrsou ayera i drenta hotel p’asina sosegá i sigui prepará pa nos wega.

Awe ‘tardi nos selekshon ta tin su último training i ta mentalmente i físikamente bon prepará pa saka nos kara mañan.

 

Karchinan ta optenibel na lokèt di FFK mañan, djasabra kumisando for di 5’or di atardi. E preis pa adulto ta fl.10,- miéntras mucha di 6 te ku 12 aña i 60+ ta paga solamente fl.5,-. Si bo ta un dama áktivo den Kampionato Femenino di FFK, presentá ku bo karnèt di FFK i un ID bálido i bo ta paga Fl.5,-.

 

Nos selekshon nashonal femenino ta warda pueblo di Kòrsou kompletu pa bin apoyá i sostené nan, mañan djasabra 9 di aprel pa 7’or di anochi den Stadion Rignaal ‘Jean’ Francisca. Portanan ta habri for di 5’or, bin trempan pa bo no keda afó.

 

FFK ta gradisí nos pònser prinsipal; Betonindustrie Brievengat pa kere den nos selekshon nashonal femenino senior i kontribuí ku e desaroyo di nos damanan.

Nos ta deseá nos selekshon nashonal femenino senior tur klase di éksito durante nan enkuentro kontra Costa Rica mañan.