Nos ta sumamente entusiasmá pa anunsiá ku Kòrsou lo ta e plataforma pa un momentu históriko den mundu di WEGA DI DAM/ 10×10 internashonal

Willemstad, Curaçao– Ougùstùs 22, 2023  – Nos ta sumamente entusiasmá pa anunsiá ku Kòrsou lo ta e plataforma pa un momentu históriko den mundu di WEGA DI DAM/ 10×10 internashonal,

 

E 62ndo Kampionato Mundial, Willemstad 2023, lo tuma lugá aki, i bo ta invitá pa presensia e anunsio ofisial na nos konferensia di prensa. 

 

E GMI (Grand Master Internashonal) mihónan kualifiká di kada kontinente (Amérika, Asia, Europa, Afrika, Australia & Oceania) lo yega nos isla kerí pa e evento di monumento aki. 

 

E kompetensia di altu nivel aki ku lo enserá tur e ‘Pinackle Players of this Planet’ seguramente  ta pinta di bira un espektákulo pa rekordá. 

 

E prestigioso kampionato aki, ku a kuminsá na 1885, lo haña su kaminda pa nos Dushi Kòrsou despues di un kaminda remarkabel di 135 aña. Nos ta honrá pa risibí e evento mundial konosí aki i pa mustra e kultura vibrante i kalor di nos isla. 

 

Uni na nos pa e konferensia di prensa, kaminda nos lo revelá mas detaye tokante e kampionato, inkluyendo e skema di eventonan, hungadónan partisipante, i e importansia di tene e kampionato na Kòrsou. 

 

Representantenan di nos organisashon, komo tambe dignatarionan i figuranan klave for di mundu deportivo, lo ta presente pa papia ku prensa i kontestá preguntanan.