IQOS ILUMA awor ta optenibel na Kòrsou

IQOS ILUMA awor ta optenibel na Kòrsou

 

Superior Tobacco Company, un supsidiario di Philip Morris International, resientemente a lansa e último inovashon den teknologia di tabako kalentá na Kòrsou- ku e humadó adulto den mente ku di otro manera lo a sigui huma sigaria tradishonal. Esaki, p’e usuario por hasi e kambio pa un alternativa ku ménos riesgo kompará ku e sigaria tradishonal.

 

IQOS ILUMA ta un evolushon di e artefakto pa kalentá tabako di IQOS, kual ta keda elevá hasiendo  eksperensia di e humadó mas intuitivo i simpel, tur esaki miéntras ta redusí, aproksimadamente 95% di eksposishon na sustansianan tóksiko ku por wòrdu hañá den sigarianan tradishonal.

 

Ku lansamentu di IQOS ILUMA na Kòrsou, Philip Morris International, huntu ku Superior Tobacco Company ta kontinuá ku nan propósito mundial pa kontribuí na alkansá un futuro sin huma mediante desaroyo di produktonan sin kombustion i sientifikamente sostené.

 

“IQOS ILUMA awor ta optenibel na Kòrsou, i lo kambia bida di hopi hende. Nos meta ta, pa haña mas humadó adulto, ku ke hasi e kambio pa alternativanan sin huma. Aki ta referí spesífikamente na esnan ku di otro manera lo a sigui huma sigaria tradishonal. Nos a desaroyá e teknologia inovativo aki pa aselerá e trayekto, siñando di pasado, i motivando usuarionan pa ‘switch’, evolushoná i pa nunka mas bolbe bèk na sigaria tradishonal,” esaki di akuerdo ku Laureano Rodrigo gerente general di Philip Morris pa Caribe.  Rodrigo a sigui splika ku IQOS ILUMA ta e resultado di mas ku 2,000 kombersashon ku a sostené ku usuarionan di IQOS na Kòrsou. A skucha i aktivá riba nan sugerensianan pa mehorashon i evolushon.

 

“Komo un kompania ku ta tuma su kliente- i potensial klientenan na serio, nos ta kontinuamente inovando nos produktonan di manera ku por sigui kumpli ku tur usuario. E propósito ta pa tur humadó adulto, ku di tur manera lo a sigui huma, disidí pa hasi un kambio pa un alternativa sin huma i ku ménos riesgo,” asina Rodrigo Laureano a sigui splika.

 

Evolushon di IQOS

IQOS ILUMA ta reflehá evolushon di un alternativa sin huma i ta resaltá pa su teknologia avansá, kual no ta usa blet i no ta rekerí limpiesa. Ku e sistema aki, e usuario no mester preokupá ku e ‘heating foil’, resto di tabako òf limpiesa. E teknologia ta mas higiéniko kompará ku e vershonnan anterior di e artefakto.  “Nos sa tambe ku e teknologia nobo ta redusí holó. Nos klientenan aktual i futuro klientenan lo komprobá esaki, “ Rodrigo a sigui bisa.

 

IQOS ILUMA ta emití un averahe di 95% ménos di kímikonan dañino kompará ku sigaria tradishonal, sinembargo tòg ta importante pa menshoná ku e produkto no ta kompletamente sin riesgo.

 

E IQOS ILUMA nobo ta optenibel den 3 modelo: IQOS ILUMA PRIME, IQOS ILUMA i IQOS ILUMA ONE. Ta importante menshoná ku IQOS ILUMA tin su propio unidat di tabako pa e kalentamentu: nan yama TEREA. Esaki ta nifiká ku unidatnan di generashon anterior di IQOS no por wòrdu usa, ya ku nan por daña e artefakto. E unidatnan TEREA no por wòrdu usa riba niun otro generashon di IQOS. Sinembargo e sabornan di TEREA ta meskos ku e HEETS den vershonnan anterior.