PREPARASHONNAN TA KONTINUÁ PA NOS SELEKSHON FEMENINO SU PARTISIPASHON NA E CONCACAF WOMEN ROAD TO GOLD CUP 2023!
PREPARASHONNAN TA KONTINUÁ PA NOS SELEKSHON FEMENINO SU PARTISIPASHON NA E CONCACAF WOMEN ROAD TO GOLD CUP 2023!
NOS HUNGADÓNAN TA KONOSÍ!
Tiki tiki pero sigur e ora 0 ta yegando pa nos selekshon femenino senior su terser partido di e CONCACAF Women Road to Gold Cup 2023 kaminda nos lo enfrentá Anguilla dia 30 di novèmber binidero. Mañan mainta 10’or nos selekshon lo biaha pa Anguilla pa despues regresá
Kòrsou pa enfrentá Cayman Islands na kas dia 4 di dezèmber próksimo.
Nos selekshon tin vários luna ta praktiká i preparando pa saka kara di Kòrsou. Un grupo di 22 hungadó ta forma parti di nos selekshon nashonal femenino senior. E hungadónan aki ta hungadónan áktivo di nos Kampionato Femenino pero tambe tin 5 hungadó residensiá den eksterior ku a bin pa reforsá nos selekshon.
Nos 5 refuersonan ya ta na Kòrsou pa kontinuá ku e preparashonnan pa nos partido di djaweps na Anguilla. Ta trata aki di Sadéyah Rosa ku ta militá den FC Skillz, Kyara Bernadina ku tambe ta den FC Skillz, Naychelene Nisia hungadó di Excelsior, Fresheny Michiel ku ta forma parti di VV Spirit i Jeleaugh Rosa ku ta hunga den MSV Duisburg.
5 damita ku sigur lo duna un man pa fortalesé nos selekshon durante e partidonan aki. Den wikènt, e promé grupo a yega i awe e delasternan a pisa suela di Kòrsou pa sigui prepará pa nos kompromisonan den e CONCACAF Women Road to Gold Cup 2023.
Nos selekshon ta wòrdu dirigí pa sr. Dean Gorré ku ta wòrdu asistí pa sr. Raúl Triana Gonzalez i sr. Pablo Alomá Mark komo entrenadó di portero. Sra. Denice Linger Berggraaf ta e masahista miéntras dòkter Eartha Helstone tambe ta kompañá nos selekshon. Sra. Jadira Laaf ta enkargá ku e materialanan di nos selekshon, e ‘team manager’ di nos selekshon ta sra. Christine Davelaar i e hefe di delegashon ta sra. Sharetti Bryan, miembro di direktiva di FFK.
E siguiente hungadónan ta forma parti di nos selekshon;
- Julainy Fanijten Thielman (Excellence School)
- Fresheny Michiel (VV Spirit, Hulanda)
- Ignarda Pieternella (Hubentut Fortuna)
- Anaïse Piar (Hubentut Fortuna)
- Naychelene Nisia (Excelsior, Hulanda)
- Jeleaugh Rosa (MSV Duisburg, Alemania)
- Lauryn Richardson (Inter Willemstad)
- Sadéyah Rosa (FC Skillz, Hulanda)
- Rushaviana Petronilia (Jong Colombia)
- Kadisha Martina (Inter Willemstad)
- Taïsha Hansen (Inter Willemstad)
- Thiheyna Susana (Undeba)
- Gervionna Martina (Jong Colombia)
- Riesmarly Tokaay (Hubentut Fortuna)
- Charnainelys Andrea (Excellence School)
- Kimberly Olaria (Excellence School)
- Kyara Bernadina (FC Skillz, Hulanda)
- Sterre Noordhoek (Inter Willemstad)
- Emily Pulido Baloa (Excellence School)
- Queen-Jelly Alexandre (Excellence School)
- Soerianieh Nucatia (Excellence School)
- Curilma Carolina (Inter Willemstad)
Preparashonnan ta kontinuá pa nos selekshon nashonal femenino senior su próksimo partidonan di e CONCACAF Women Road to Gold Cup 2023 ku lo tuma lugá dia 30 di novèmber 2023 na Anguilla i dia 4 dezèmber aki na Kòrsou!
27 novèmber 2023
