WESU KUARTET DJABIERNE AWOR DI 6 PA 8 DEN FOODCOURT NA SAMBIL
Tokando un gama di músika varia instrumental:
WESU KUARTET DJABIERNE AWOR DI 6 PA 8 DEN FOODCOURT NA SAMBIL
WILLEMSTAD – Djabièrnè awor dia 1 di desèmber di 6 or di atardi pa 8 or di anochi, WESU Kuartèt lo tin un presentashon bibu den Foodcourt di Sambil. Ta trata aki di un kuarteto di trombon di nos hendenan lokal, ku lo bai pèrkurá pa un un variedat musikal instrumental.
WESU Kuartèt ta konsistí di 4 trombonista YDK ku ta presentá un músika úniko, kaminda kada un dje trombon nan o kanta den orea di tur hende ku ta presente.
E kuater trombonistanan aki ta:
Hector Sampson, Cedric “Dick” Sillé, Axel “Achi” Concencion i Giovanni Atalita
Nan kuater lo bai demostrá kon e zonido di un trombon ta i kon den harmonia nan lo un gama variá di ritmo, ku ta varia di wals, tumba, balada i sigur loke no por falta ta e kansionnan tradishonal di Pasku ku tur hende konosé.
Preparashonnan pa e evento aki ta kanando tremendo. Na vários okashon kaba e trombonistanan aki a bini huntu pa ensayá i prepará pa djabièrnè awor.
Ningun dje 4 trombonistanan aki no ta hendenan deskonosí den Farándula di Kòrsou. Kada unu atrabes di añanan ku a pasa, a demostrá nan kalidat i nan konosementu di músika, partisipando den vários agrupashon musikal.
Hector Sampson resientemente a Sali promé finalista den mihó areglo den Festival Bos di Libertat. E ta areglista di vários di e kansionnan ku WESU Kuartèt lo bai interpretá.
Un invitashon ta bai na amantenan di bon músika pa nan no pèrdè e evento úniko aki, kaminda 4 Trombon ta bai kanta den orea di tur hende i esnan ku sa e kansionnan, por kanta na bos haltu, djabièrnè 1 di desèmber di 6 pa 8 pm den Foodcourt na Sambil. Nos ta topa aya!
